Dangosyddion Data
Ffynonellau data cenedlaethol
Mae’r adran ganlynol yn cynnwys setiau data ac offer rhyngweithiol sy’n mesur anghydraddoldebau/annhegwch iechyd a’u penderfynyddion yng Nghymru.
Mae Iechyd Cyhoeddus Cymru yn cyhoeddi data a thystiolaeth ar ystod o bynciau iechyd cyhoeddus. Gan gynnwys gwybodaeth iechyd, sgrinio, anomaleddau cynhenid, heintiau sy’n gysylltiedig â gofal iechyd, imiwneiddiadau, clefydau a heintiau, canser ac ymwrthedd gwrthficrobaidd.
Mae’r SYG yn cynhyrchu amrywiaeth eang o ystadegau economaidd, cymdeithasol a phoblogaeth ac mae’n cyhoeddi dros 600 o ddatganiadau’r flwyddyn. Mae’r SYG hefyd yn cynnal y Cyfrifiad unwaith bob 10 mlynedd – mae data’r Cyfrifiad ar gael trwy NOMIS.
Gyda ffocws cryf ar lywodraeth leol a darparu gwasanaethau cyhoeddus, mae Data Cymru yn cadw data yn ymwneud â phobl, cymunedau a chydraddoldeb; plant, pobl ifanc ac addysg; cyflogaeth a busnes; iechyd a gofal cymdeithasol; yr amgylchedd a chynaliadwyedd; Cyfrifiad 2021; a llywodraeth leol.
Mae StatsCymru yn wasanaeth ddi-dâl i’w ddefnyddio, sy’n caniatáu i chi weld, defnyddio, creu a lawr lwytho tablau data ar gyfer Cymru.
Mae’r Adran Gwaith a Phensiynau yn cyhoeddi ystadegau ar fudd-daliadau, pensiynau, rhaglenni cyflogaeth, dosbarthu incwm a phynciau eraill trwy amrywiaeth o ddelweddau data ac offer ystadegau ar-lein.
Ffynonellau data rhyngwladol
Mae’r adran ganlynol yn cynnwys setiau data ac offer rhyngweithiol sy’n mesur anghydraddoldebau/annhegwch iechyd a’u penderfynyddion ar draws y byd.
Eurostat yw swyddfa ystadegol yr Undeb Ewropeaidd a’i genhadaeth yw darparu ystadegau a data o ansawdd uchel ar Ewrop. Mae Eurostat yn cyhoeddi data ar bynciau sy’n cynnwys economi a chyllid, poblogaeth ac amodau cymdeithasol, trafnidiaeth ac ati.
Mae HEAT yn galluogi archwilio a chymharu anghydraddoldebau iechyd mewn gwledydd a thiriogaethau yn rhyngweithiol. Mae’n cynnwys data anghydraddoldebau iechyd, gan gynnwys data wedi’u dadgyfuno a mesurau cryno wedi’u delweddu mewn amrywiaeth o graffiau, mapiau a thablau rhyngweithiol.
Yr Arsyllfa Iechyd Fyd-eang yw porth Sefydliad Iechyd y Byd i ystadegau sy’n ymwneud ag iechyd ar gyfer ei 194 o Aelod-wladwriaethau. Mae’n darparu mynediad at dros 1,000 o ddangosyddion ar bynciau iechyd â blaenoriaeth sy’n cynnwys marwolaethau a baich clefydau, Nodau Datblygu’r Mileniwm, clefydau anhrosglwyddadwy a ffactorau risg ac ati.
Mae’r Catalog Data gan Fanc y Byd yn cynnwys data o blatfformau data microdata, cyllid ac ynni Banc y Byd, yn ogystal â dangosyddion datblygu. Mae dangosyddion datblygu yn cynnwys pethau fel mynediad at drydan, digonolrwydd amddiffyniad cymdeithasol a rhaglenni llafur, ymhlith penderfynyddion ehangach eraill.
Mae Cronfa Ddata Dangosyddion y Nodau Datblygu Cynaliadwy yn galluogi defnyddwyr i gael mynediad at fwy na 200 o broffiliau gwledydd neu ardaloedd. Mae gan y Nodau Datblygu Cynaliadwy fframwaith dangosyddion byd-eang sy’n cynnwys 231 o ddangosyddion unigryw. Mae cyfran fawr o’r dangosyddion yn cipio’r penderfynyddion iechyd e.e. addysg o safon.
Mae’r OECD yn fforwm ac yn ganolfan gwybodaeth ar gyfer data, dadansoddi ac arferion gorau mewn polisi cyhoeddus. Mae eu data yn cwmpasu meysydd polisi fel yr economi, cyflogaeth, iechyd, ymhlith eraill.
Lletyir ILOSTAT gan Adran Ystadegau’r ILO, sef y canolbwynt ar gyfer ystadegau llafur i’r Cenhedloedd Unedig.